Addysg a Gofal Blynyddoedd Cynnar: Statws Ymarferydd Blynyddoedd Cynnar - BA (Hons)

University of Wales Trinity Saint David

Os ydych yn gweithio gyda phlant yn barod neu os oes gennych brofiad o weithio gyda phlant neu deuluoedd neu ym meysydd perthynol, mae’r llwybr dysgu hwn wedi’i gynllunio ar eich cyfer. Mae’r cwrs yn cael ei gyflwyno o amgylch eich ymrwymiadau gwaith i’ch cefnogi i ddychwelyd i astudio.Os ydych yn angerddol am ddatblygiad plentyndod cynnar, mae ein rhaglen Addysg a Gofal Blynyddoedd Cynnar yn cynnig archwiliad cynhwysfawr i ddatblygiad plentyndod. Mae’r rhaglen wedi’i chynllunio i danio eich angerdd a’ch cefnogi i ddatblygu eich gyrfa ymhellach.Ymgollwch eich hun mewn Astudiaethau Blynyddoedd Cynnar a datblygu dealltwriaeth ddofn o ddamcaniaethau datblygiad plant, arferion addysgol a chymwysiadau ymarferol. Byddwch yn datblygu’r sgiliau sydd eu hangen i lwyddo ym maes deinameg gofal plant ac addysg o ganlyniad i’n hymagwedd ymarferol ac arweiniad arbenigol.Archwiliwch ymchwil a theori sydd wedi’u cysylltu â Gwaith Ieuenctid ac Astudiaethau Blynyddoedd Cynnar a darganfod strategaethau arloesol i hyrwyddo datblygiad plant. Cydweithiwch gyda chyfoedion o’n un anian a thiwtoriaid profiadol sy’n rhannu eich ymrwymiad i feithrin meddyliau ifanc. Mae ein rhaglen yn eich paratoi ar gyfer ystod o rolau Blynyddoedd Cynnar sydd wedi’u cysylltu â lleoliadau cyn-ysgol, Dechrau’n Deg, ysgolion neu’r rhaglen allgymorth cymunedol. Dyma lwybr delfrydol i gael mynediad at TAR hyfforddi athrawon a rolau eraill i raddedigion.Byddwn yn eich paratoi ar gyfer gyrfa werthfawr mewn Addysg Plentyndod Cynnar. Byddwch yn ennill Statws Ymarferydd Blynyddoedd Cynnar a gydnabyddir gan Gofal Cymdeithasol Cymru a Rhwydwaith Gradd Astudiaethau Plentyndod Cynnar ac yn datblygu’r arbenigedd i greu amgylcheddau anogol sy’n meithrin twf a datblygiad plant. Ymunwch â chymuned gefnogol sy’n ymroddedig i gael effaith gadarnhaol mewn addysg plentyndod cynnar.

Childhood, Youth and Education Studies